Month: Маусым 2016

Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын іске асыру мақсатында, ағымдағы жылдың 6 қыркүйегінде еліміздің барлық өңірлерінде «Белсенді өмір – жүз жастық ұзақ ғұмыр» ұранымен кең ауқымды «Денсаулық фестивалі» акциясы өткізілді. Бұл фестиваль «Ұлан» стадионында облысымыздың «Саясаткер әйелдер клубы» мен салауатты өмір салтын қалыптастыру орталығының қолдауымен өтті. Фестиваль шеңберінде дәрігерлер тұрғындарға салауатты өмір салтын сақтау мен нығайту туралы тегін кеңестер берді. Акция барысында велошерушілер белгіленген көшелер бойынан мәре сызығын кесіп өтті, ал жастар стадионда «флеш моб» шарасын ұйымдастырды. Сондай –ақ облыстық спорт мектептерінің тәрбиеленушілері де өз өнерлерін ортаға салды.

Бұл фестивальде мүмкіндігі шектеулі жандардың қатысуымен қол күресі, дойбы ойыны, қол арбамен жарыс ұйымдастырылса, жас ерекшеліктеріне қарай ерлер мен әйелдер арасында 100 метрге жүгіру, студенттер арасында шағын футбол, медицина және білім беру қызметкерлері арасында «Көңілді старт» ойыны, арқан тарту, қол күресі ұйымдастырылды.
№7 қалалық емханасының қызметкерлері:
Алға тартып, шынықтырған,

Бұл «Қазақстан – саламатты»

Алға шық, бұл- жарыс

Командамыз «БАРЫС»

деген ұранмен «Денсаулық фетиваліне» белсенді түрде атсалысып, «арқан тарту» ұлттық ойынының II орын жүлдегері атанды. Мереке соңында жарыс жеңімпаздары мен жүлдегерлері арнайы дипломдармен және сыйлықтармен марапатталды.