МӘМС ЖҮЙЕСІНДЕ САҚТАНДЫРЫЛҒАН МӘРТЕБЕСІН ҚАЛАЙ ҚАЙТАРУҒА БОЛАДЫ?

Қорға жиі қойылатын сұрақтардың бірі: барлық жарна төленсе де, неге мәртебе САҚТАНДЫРЫЛМАҒАН болып шығады?

Ескерте кетсек, барлық жарнаның төленгенін өзіңіз жеке қадағалауыңыз қажет екенін ұмытпаңыз. Кейде жұмыс беруші немесе азаматтардың өзі жарнаның бәрін аудармайды да, МӘМС арқылы медициналық қызмет алу мүмкіндігінен айырылады.

Мәртебе қайтадан САҚТАНДЫРЫЛҒАН болуы үшін төленбеген жарнаны төлеу керек. Мұны сіз үшін жұмыс берушіңіз істей алады немесе дербес төлеуші өзіңіз төлей аласыз (жарна сомасы 1 ЕТЖ-ның 5%-і немесе 2125 теңге. Төлемнің тағайындау коды – 122).

Естеріңізге сала кетсек, “Сақтандырылған” мәртебесіне ие болу үшін, медициналық көмекке жүгінердің алдында соңғы 12 ай бойы жарнаны үздіксіз төлеп отыру қажет.

БЖТ төлеушілер медициналық көмекке жүгінердің алдында соңғы 3 ай бойы төлесе жеткілікті.